Ақсу ауданының білім бөлімінің жылдық жоспарына сәйкес 2020 жылдың 23-қазан күні білім беруді дамыту оқу-әдістемелік орталығының әдіскері Кырыкбаева Айгерім Абайбекқызының ұйымдастыруымен ZOOM – видео байланысы арқылы, мұғалімдердің қашықтықтан оқыту жағдайында бағалауды үздіксіз жүргізіп отыруына ықпал ету, бағалау тәсілдерінің тиімділігін түсіндіру және іс - тәжірибелерінде қолдануға үйрету мақсатында «Қашықтықтан оқыту жағдайында жиынтық бағалауды жүргізу ерекшеліктері»» атты вебинар өткізілді. Вебинарда информатика пәні бойынша әдіскер А.Кырыкбаева нормативтік құжаттармен таныстырса,

Б. Сырттанов ат. ОМ математика пәнінің мұғалімі Ниязова Алмагуль Кабировна «Қашықтықтан оқу жағдайында оқушылардың оқу жетістіктерін бағалау», Қ. Терібаев атындағы ОМ физика пәнінің мұғалімі Ербатырова Айжан Жумабаевна «Физика пәні бойынша бағалау тапсырмаларын әзірлеу жолдары» тақырыбында шебер сынып көрсетті. Вебинар соңында мұғалімдер қашықтықтан оқыту кезіндегі кездескен түрлі мәселелер мен тәжірибелерімен бөлісіп, сұрақтарға жауап алып, ұсыныстарын білдірді.