|
Отдел образования акимата Аксуского района Алматинской области |
|
|
|
|
Отдел образования акимата Аксуского района Алматинской области |
|
|
"Көлтабан негізгі орта мектебі, мдшо" коммуналдық мемлекеттік мекемесінде 2020 жылдың 31 қазан күні Елбасы Н.Ә Назарбаевтың Болашаққа бағдар "Рухани жаңғыру" бағдарламасы аясында Ұлы Отан соғысының тыл ардагері, ұлағатты ұстаз Сансызбай Жетпісбаев атындағы "Бастауыш сынып" кабинетінің ашылу салтанаты өтті.
Саналы ғұмырының жартысын жас ұрпақты оқыту мен тәрбиелеуге арнаған ұстаздың еңбек жолы өнеге мен ғибратқа толы. Көлтабан ауылындағы мектептің негізін қалаған ардақты ұстаз 90 жас жасап бүкіл ауылдың сыйлы, қадірменді ақсақалы болды. Сансызбай Жетпісбаевтан білім алған, алғаш қалам ұстаған шәкірттері бүгінде алпысты еңсерген салиқалы қарттар.
Кабинеттің ашылу салтанатына шәкірттері мен бірге еңбек еткен әріптестері келіп әдемі естеліктерімен бөлісті. Қадірменді қонақтар қатарында Ақсу ауданы ардагерлер кеңесінің төрағасы Амантай Айтбайұлы, аудандық білім бөлімінің әдіскері Мұхтар Лебекұлы құттықтау сөз сөйлеп, кабинеттің лентасын қиды. Ұстаздың ұрпақтары мектеп ұжымына алғыстарын айтып, ризашылықтарын білдірді.
Құттықтау сөз кезегінен кейін мектеп оқушылары ұстазға арнаған арнау өлеңдерін оқып, Қызылағаш мәдениет үйінің әншісі Жағыпар Қайдар "Ұстазым" әнін орындады. Сансызбай Жетпісбаевтан білім алған шәкірттері бүгінде еліміздің өркендеуіне үлесін қосып жатқан беделді азаматтар. Ұстаздарына деген сағыныштары мен естеліктерін бөлісіп, әлеуметтік желі арқылы құттықтады.
@aksu_bilim_bolimi20
|
Copyright © 2017, Отдел образования Аксуского района Алматинской области |
